У рамках мерапрыемстваў, прымеркаваных да Дня роднай мовы, у каледжы арганізавана дыялогавая пляцоўка "Роднае, блiзкае" пры ўдзеле Міхаіла Міхайлавіча Болсуна, Члена Саюза пісьменнікаў і Саюза журналістаў Беларусі, Ганаровага грамадзяніна Чачэрскага раёна, лаўрэата абласной літаратурнай прэміі Кірыла Тураўскага. "З чаго пачынаецца Радзіма? З цёплых слоў маці і нашых шчаслівых момантаў дзяцінства. Памятайце, наша мова самая меладычная і прыгожая, усё пачынаецца з павагі да нашай роднай мовы" - паведаў Міхаіл Міхайлавіч. Шмат цікавага даведаліся юныя мастакі. Прынялі ўдзел у інтэлектуальнай гульні і адкрылі для сябе скарб беларускай паэзіі. Пісьменнік натхнёна чытаў навучэнцам аўтарскія вершы і распавядаў пра сваё пасляваеннае дзяцінства. - Гомельский государственный художественный колледж